დაშლა in Georgian Library

May 30, 2017 Mikheil rated it liked it

სანამ რომანის კითხვას დავიწყებდი ოთხი მეგობრის აზრი მქონდა უკვე მოსმენილი, 3-ის დადებითი, 1-საც უარყოფითი. წინასწარი განწყობა ძალიან კარგი მქონდა, ბევრი მიზეზის გამო; ველოდი, რომ ძალიან მომეწონებოდა! ფაქტია, ფესტივალზე ნაყიდი წიგნებიდან, პირველივეს ამას ვეცი და ღამის ძილიც შევწირე.

ამ პატარა რევიუში მომიწევს დაგასპოილეროთ, ასე რომ თუ არ გინდათ დასასრული იცოდეთ, კითხვა შეწყვიტეთ :)

წიგნს აქვს თავისი ღირსებებიც და ნაკლებიც:

მთავარი ღირსება ის იდეაა, რის გარშემოც ავტორი სიუჟეტს აწყობს: ყველანი ფან სანამ რომანის კითხვას დავიწყებდი ოთხი მეგობრის აზრი მქონდა უკვე მოსმენილი, 3-ის დადებითი, 1-საც უარყოფითი. წინასწარი განწყობა ძალიან კარგი მქონდა, ბევრი მიზეზის გამო; ველოდი, რომ ძალიან მომეწონებოდა! ფაქტია, ფესტივალზე ნაყიდი წიგნებიდან, პირველივეს ამას ვეცი და ღამის ძილიც შევწირე.

ამ პატარა რევიუში მომიწევს დაგასპოილეროთ, ასე რომ თუ არ გინდათ დასასრული იცოდეთ, კითხვა შეწყვიტეთ :)

წიგნს აქვს თავისი ღირსებებიც და ნაკლებიც:

მთავარი ღირსება ის იდეაა, რის გარშემოც ავტორი სიუჟეტს აწყობს: ყველანი ფანჯრიდან, ცხვირწინ, განათებულ სივრცეში ვუყურებთ ჩვენს გარშემო არსებულ დანაშაულს და მერე ჩვენივე უსუსურობით, სოციალური თუ ეკონომიკური კომფორტის გამო, ტრაგედიას არა თუ ვებრძვით, არამედ მის კვალსაც ვაქრობთ ხოლმე. ასე იქცევა წიგნის მთავარი პერსონაჟი, რომლის მონათხრობსაც ამ რომანის ნახევარი უკავია.
ზურას პერსონაჟი ერთადერთი დასრულებული სახეა მთელ წიგნში. ხასიათი დაჭერილია, ტიპაჟიც კარგადაა შექმნილი, თუმცა მომეჩვენა, რომ მისი მეტყველებაა ცოტა დაუბალანსებელი. ზოგჯერ მზრუველი წაჰიფსტერო მამიკო იჩითება, ზოგჯერაც რიგითი ცხოვრებაზე გულაცრუებული ბაბულიკა. თუმცა, ესაა მისი გაორებული თუ სიცრუით გაჯერებული ბუნება; სტანდარტული ჰომოფობი, შაბლონური, მასისგან ათვისებული დამოკიდებულება და ა.შ. ჰოდა, სწორედ იმის გამო, რომ ზურას პორტრეტი კარგადაა შექმნილი, წიგნის პირველი ნახევარი გაცილებით კარგია, ვიდრე მეორე.

სხვა სიტუაციაა მერაბის პერსონაჟთან დაკავშირებით, რომელიც ჩემი აზრით ყველაზე საინტერესო შეიძლებოდა ყოფილიყო; ძალიან განუვითრებელი გმირია. მიუხედავად მისი სულ რაღაც 10-15 გვერდიანი მონოლოგისა, მაინც იყო ეს სივრცე საკმარისი იმისთვის, რომ ყველაზე სახასიათო სახე შექმნილიყო, მაგრამ ვერ შეიქმნა. შესანიშნავი იყო მისი უკუთვლა და წინასწარი შემზადება დასასრულისთვის, მაგრამ ეს იყო და მორჩა. რაც ყველაზე დაუმუშვებელი მეჩვენა იყო მისი ასაკი; 62 წლისაა და თხრობისას მეგონა 30 წლის იყო. მერაბის თავი რომ დასრულდა, ხელახლა გადავამოწმე მისი წლოვანება, ვიფიქრე არასწორად ხომ არ მახსოვს ასაკი-მეთქი.

დაუმუშვებელია თინას პერსონაჟიც, რომლისადმი არანაირი ემპათია არ ჩნდება (და ეს ალბათ ამ წიგნის ყველაზე დიდი მინუსია), მაშინაც კი, როცა ლილისთან მიდის და უსიტყვოდ ეხუტება. აშკარაა, რომ არ არის ჩაფიქრებული უარყოფით გმირად, პირიქით, ყველაფერს აკეთებს, რომ კარგი იყოს - ბავშვებთან ერთად ნამცხვარს აცხობს, მუშაობს და ოჯახში “შემომტანია” და ა.შ. მოკლედ, როგორც იტყვიან, წელებზე ფეხს იდგამსო, მაგრამ ამ გოგოს საერთოდ ვერ ვიყვარებთ. როგორც თინა ირევა მას შემდეგ, რაც ერთ ცდუნებას ვერ უძლებს, ისევე ირევა მისი პორტრეტიც წიგნში.

არ მომწონა ისიც, რომ წიგნში არ არსებობს ქალაქი; მიუხედავად იმისა, რომ ერთ ეპიზოდში თინა ცენტრალური თბილისის დიდ ნაწილს გადასერავს, მაინც არ იქმნება ეს ურბანული (ზოგადად გეოგრაფიული) ატმოსფერო, რაც მომკალით და კარგი (განსაკუთრებით არაჟანრული) რომანისთვის საბაზისოდ აუცილებელი დეტალი მგონია. ის ადგილები, რომელსაც კვირაში ერთხელ თუ შვიდჯერ ჩავუვლი გვერდს, საერთოდ არანაირ განწყობას არ ქმნიან, ისე, ტყუილუბრალოდ არიან ნახსენები.

საბოლოო ჯამში, ტექსტს შევაფასებდი შემდეგნაირად, რომ არის კარგად ნაფიქრი (ამიტომაცაა, იდეურად გამართული), მაგრამ ნაჩქარევად დაწერილი.
თუმცა ეს ნაჩქარევობა არ გულისხმობს იმას, რომ რთულად წასაკითხი ნაწერია, პირიქით, ძალიან სხარტად იკითხება, ერთ გადაშლაზე. მაგრამ ეს არ არის ის, რასაც ველოდი ამ წიგნისგან. ტექსტის წერა რომ იცის გაბუნიამ, არაა ახალი ამბავი, ისედაც ვიცოდი.

რა თქმა უნდა, გაცილებით მეტს ველოდი, ავტორისგან, რომელსაც უკვე “საბა” აქვს აღებული, რომელსაც კარგი ლიტერატორის რეპუტაცია აქვს და რომელიც კარგ პიესებს წერს. ამასთანავე კარგი მთარგმნელიც არის.

მოკლედ, ასეთი ამბავია. თუმცა წაკითხვად ნამდვილად ღირდა. ...more

15 likes · Like · see review

Jun 24, 2017 Ana Maisuradze rated it it was amazing

This review has been hidden because it contains spoilers. To view it, click here. ყველაზე მეტად მერაბი შემეცოდა თავისი ფარული ცხოვრებით. ალბათ როგორი ძნელია მთელი ცხოვრება ტყუილში, მალვაში და თვალთმაქცობაში ცხოვრება.
ზურა რაღაცნაირია. თან მომეწონა, თან თითქოს შოთიკო დააღალატა და გამოძიებას არ დაეხმარა.
შოთიკოს ფინალური თავი იყო ძალიან მაგარი და ირონიული.
თინა არ მომეწონა. ძალიან ზედაპირული პერსონაჟია. :/ ვფიქრობ უბრალოდ სიახლე სჭირდებოდა და ამას სიყვარული დაარქვა, იმ ბიჭის ადგილას ნებისმიერთან იგივეს იზამდა. ყველაზე ცუდი და ამაზრზენი ნურის პერსონაჟია, ტიპიური მექალთანე, ცოლი რო ...more

5 likes · Like · see review

Jan 15, 2018 Gia Jgarkava rated it really liked it

მთლიანობაში საინტერესო წიგნია, ეტყობა რო დებიუტია და ხარისხისა და სტილის სტაბილურობა აკლია. ზოგად ძალიან მაგარია, თან განსხვავებულად მაგარი, ზოგან ეტყობა რო არც ისე ახლოა მწერალთან ის, რაზეც წერს. პერსონაჟები ცოტა არ იყოს ზედაპირულია (ზურას გარდა, რომელიც ალბათ 80%-ს იკავებს).

სიმართლე რომ ვთქვა 3-იანს უფრო დავუწერდი, მაგრამ დებიუტის ამბავში და ქართულ ლიტერატურაში სიახლისთვის, ავანსად +1 :)

5 likes · Like · see review

Jun 17, 2017 Natia Morbedadze rated it really liked it

Shelves: georgia

https://kejeradze.wordpress.com/2017/... ...more

3 likes · Like · see review

Jan 19, 2020 Teo rated it it was amazing

Shelves: favorites

ჩემს ფავორიტებში ძაან მარტივად დაიკავა ადგილი.

2 likes · Like · see review

Jun 02, 2017 Nika rated it liked it

ფრთხილად, სპოილერებია! :)

საბოლოო ჯამში, უფრო კარგი წიგნია, ვიდრე ცუდი. ძალიან მომეწონა დასაწყისი და დასარული. პირველი რამდენიმე გვერდი იმდენად უცნაური და creepy-ა, კარგად დამამახსოვრდა და რაც მთავარია, ამას აფასებ, როდესაც წიგნის ბოლო გვერსაც ჩაიკითხავ.

თუმცა მგონია, რომ რაღაცები ზედმეტია და რაღაცები უფრო მეტი უნდა ყოფილიყო. მაგალითად, თინას ნაწილი საერთოდ რომ არ დაეწერა ავტორს, წიგნს არაფერი დააკლდებოდა. გამომდინარე იქიდან, რომ თხრობა, ზურას და თინას ამბის, 18 აგვისტოდან იწყება, არ ვიცით როგორ ფრთხილად, სპოილერებია! :)

საბოლოო ჯამში, უფრო კარგი წიგნია, ვიდრე ცუდი. ძალიან მომეწონა დასაწყისი და დასარული. პირველი რამდენიმე გვერდი იმდენად უცნაური და creepy-ა, კარგად დამამახსოვრდა და რაც მთავარია, ამას აფასებ, როდესაც წიგნის ბოლო გვერსაც ჩაიკითხავ.

თუმცა მგონია, რომ რაღაცები ზედმეტია და რაღაცები უფრო მეტი უნდა ყოფილიყო. მაგალითად, თინას ნაწილი საერთოდ რომ არ დაეწერა ავტორს, წიგნს არაფერი დააკლდებოდა. გამომდინარე იქიდან, რომ თხრობა, ზურას და თინას ამბის, 18 აგვისტოდან იწყება, არ ვიცით როგორი იყო მათი თანაცხოვრება სანამ ყველაფერი შეიცვლებოდა. ამიტომ თინას ღალატი, სხვა ადამიანის შეყვარება არც დრამატული იყო ჩემთვის და არც საინტერესო, რადგან წარმოდგენა არ მაქვს რადგან არ ვიცი, რაზე თქვა უარი ამის სანაცვლოდ ზურასთან ურთიერთობაში.

საერთოდაც, შთაბეჭდილება დამრჩა, რომ წიგნის მთავარი ხაზია ზურა და მისი მეზობელთან "ურთიერთობა", საკუთარი სურვილების აღმოჩენა და ყველაფერში დაეჭვება, რაც აქამდე ჰქონდა. ამ ნარატივში, თინას როლს/წვლილს ვერ ვხედავ. თინას ამბის გარეშე, საკმაოდ ძლიერი მისტიკური ამბავი გამოვიდოდა.

რაც შეეხება მერაბს, ყველაზე განუვითარებელი და ფასადური პერსონაჟია. მიუხედავად იმისა, რომ ერთ-ერთი ყველაზე მოკლე თავია, ყველაზე რთულად იკითხებოდა. მკვლელი, რომელიც თან მსხვერპლია, უფრო მეტს იმსახურებს, რადგან მეტი ამბავიც ექნება მოსაყოლი.

პ.ს. თინას თავებში, ზოგიერთი აბზაცი ან ხშირად, მთელი გვერდი სასვენი ნიშნების გარეშე იყო და ხანდახან მეგონა "რეალ გოგა"-ს სტატუსებს ვკითხულობდი. :D Not cool ...more

1 like · Like · see review

Jun 30, 2017 Salome Nodia rated it liked it

"დაშლა"-ს გამოსვლისთანავე ისეთი დიდი გამოხმაურება ჰქონდა ბევრი აღარ მიფიქრია და მალევე დავიწყე კითხვა. წიგნი კარგად იკითხება, სიუჟეტიც ერთი შეხედვით მარტივი, თუმცა საინტერესოა. ყველა პერსონაჟი რეალურია თავისი უარყოფითი და დადებითი თვისებებით. წიგნის ზოგიერთი მომენტი დაუსრულებელი და ნაჩქარევად დაწერილი მომეჩვენა, არც რომელიმე პერსონაჟის მიმართ გამჩენია განსაკუთრებული სიმპათია, თუმცა საერთო ჯამში მისი წაკითხვა ნამდვილად ღირს. ...more

Like · see review