Armenian readers (Հայ ընթերցողներ) discussion

Թեման կարող է պարունակել սփոյլերներ: Դրա համար խորհուրդ է տրվում քննարկումը կարդալ, եթե 70%-ից անցել եք:

Կուզեի էս թեմայում քննարկեինք գրքի պատմական հիմքերը, այսինքն՝ պատմության մեջ տեղի ունեցած դեպքերը, որոնք Ալենդեն բերել է գրականություն: Ես Չիլիի պատմությանը շատ ծանոթ չեմ, բայց ոնց հասկանում եմ, բավական սերտ են զուգահեռները (մանավանդ վերջերում):

Վերցնենք հենց սոցիալիստների իշխանության գալը: Էստեղ, փաստորեն, անանուն նախագահը հենց Սալվադոր Ալենդեն է, որը նաև մասնագիտությամբ բժիշկ է (հնարավո՞ր է, որ Ջեյմիի նախատիպն էլ է ինքը, հեղինակը երկու կերպար է ստացել նույն նախատիպից):

Հիմա գնում եմ հեղափոխությունը մի քիչ փորփրեմ:

Հիմա վիքիում Սալվադոր Ալենդեի կենսագրությունն եմ փորում: Մի քանի հետաքրքիր բան գտա:
1. Ինքը մի քանի անգամ առաջադրվել ա, բայց չի ընտրվել նախագահ (գրքի հետ զուգահեռ, որ սոցիալիստները հիսուն տարի շարունակ չէին հաղթում ընտրություններում)
2. 1973թ. սեպտեմբերի 11-ին քրիստոնյա դեմոկրատները հեղաշրջմամբ իշխանության են գալիս (գրքում էլ են նման դեպքեր նկարագրվում, ընդ որում՝ օրվա մասին ասում ա "that Tuesday," նայեցի, էդ օրն իսկականից երեքշաբթի էր)
3. Էդ օրը Ալենդեն ինքնասպան ա լինում (նույնը տեղի ա ունենում գրքի President-ի հետ)
4. Հեղաշրջումից հետո Չիլին ղեկավարում ա հանրահայտ Ավգուստո Պինոչետը (էլի անանուն ղեկավար գրքում)

Ու մի բան էլ: Ոնց որ թե Իզաբել Ալենդեն իրականում գոյություն ունեցող կերպարներին գրքում անուններ չի տվել, մենակ հորինովի կերպարներն են անուններով: Ճի՞շտ եմ նկատել, թե՞ անուններով կերպարներն էլ կան պատմության մեջ:

Իսկ Ալբայի նախատիպն էլ ոնց որ Իզաբել Ալենդեն ինքն ա: Բրիտանական կրթությունը, տանը կրթվելը ու Միգել անունով ամուսինը վկա :D

Հա, ուզում էի գրեմ, որ Ալբան իմ կարծիքով Ալենդեն ա, գրել ես արդեն:
Պոետն էլ Պաբլո Ներուդան ա, որին Ալենդեն շատ ա սիրել ու իրականում հանդիպել:
Իմիջայլոց, դրա համար եմ ուզում Վիքիի հոդվածը գրեմ, որ մանրամասն իմանամ :D

Ահա, Ներուդայի կենսագրությունն էլ էի նոր փորում, հեղաշրջումից մի քսան օր հետո ա մահացել: Հիմա էլ Ալենդեենց ընտանիքում քաղաքական կոնֆլիկտ եմ ման գալիս: Ես ամեն դեպքում հակված եմ մտածելու, որ Ջեյմին էլ ա Սալվադոր Ալենդեն:

Դե, արդեն շատ բան նշել եք, միայն ավելացնեմ, որ Իզաբելը Սալվադորի ազգականն է:
Well-known relatives of Salvador Allende include his daughter Isabel Allende (politician) and a cousin Isabel Allende (author).

Իսկ Ներուդայի պահն ավելի է հիմնավորվում.
Salvador Allende had a close relationship with the Chilean Communist Party from the beginning of his political career. On his fourth (and successful) bid for the presidency, the Communist Party appointed him as the alternate for its own candidate, the world-renowned poet Pablo Neruda.

To improve social and economic conditions for women, the Women’s Secretariat was established in 1971:-Ինչքան էլ վատ բաներ ասենք սոցիալիստների ու կոմունիստների մասին, բայց այն, որ կանանց իրավահավասարության հարցում բավական առաջընթաց քայլեր արեցին, անժխտելի է: Խոսքը նաև և հենց Հայաստանի մասին է:

Ժող, Ալենդեն պատմական դեպքեր է նկարագրել մոգական ռեալիզմի քողի տակ, բայց երբ նայում ենք կոնկրետ դեպքերին, այնքան հպանցիկ է այդ ամենն արվել՝ ընդհանուր խոսակցությունների, առանձին մարդկանց կարծիքների միջոցով, որ ոչ մի խորացում, հեղինակի ամբողջականացված կարծիք դուրս չի գալիս:
Թվում է, թե Նախագահը եկավ իշխանության հեշտ ու հանգիստ՝ առանց դրսի օգնության, այնինչ գիտենք, որ բոլոր հեղափոխությունները հիմնականում դրսի օգնությամբ են լինում: Երբ կարդում եմ Վիքին, ասվում է, որ Սալվադոր Ալենդեն իշխանության եկավ ԿԳԲ-ի օգնությամբ:
Այս և նման փաստերը կամ անտեսված են կամ էլ հպանցիկ են երևում:

Դիկտատորն էլ, որի նկատմամբ հակակրանքը դեռ առաջին նկարագրություններից երևում էր, Աուգուստո Պինոչետն է, ով և Իզաբելի ազգականին՝ Սալվադորին ժամանակին գահընկեց արեց, մղեց ինքնասպանության, որի պատճառով երևի այդքան ավելի շատ է հակակրանքը այդ մարդու նկատմամբ::

Արմինե ջան, դու վերևի քոմենթները ու մյուս քննարկումները չե՞ս կարդում: Մենք արդեն բազմիցս նշել ենք, որ Սալվադոր Ալենդեն Իզաբել Ալենդեին ազգական ա, մի քիչ վերևում էլ ասվել ա, որ դիկտատորն Ավգուստո Պինոչետն ա:

Բյուր ջան, ինձ թվացել էր՝ կարդացել էի, բայց երևի ուշադիր չեմ եղել: Կներեք: Երևի բացահայտումների տարերքն ինձ տարել է: ՃՃՃ

Ոչինչ, Արմինե ջան, էն օրը Դավիթի հետ պարզեցինք, որ մենք էլ միմյանց գրառումներն ինչ-որ ուշադիր չենք կարդում: Նորմալ ա :))))