Egyptian Reader Book-Swap Space discussion
ممكن تشتري كتب من على موقع على الانترنت؟!!
date
newest »
newest »
message 1:
by
Mai
(new)
Apr 16, 2010 05:26PM
يا جماعة, لو في موقع مصري بيبيع كتب وروايات ومجلات, عربي وانجليزي, جديدة ومستعملة, بأسعار أقل من أي مكتبة أو أى حد بيبيع كتب قديمة. والكتب هتوصلك لحد باب البيت في أقل من 48 ساعة من غير أي مصاريف إضافية. ومن غير حتى ما تحتاج فيزا كارت لان الدفع هيكون عند الاستلام. ولو محتاج أي كتاب مش موجود في الموقع, ممكن تطلب الكتاب دا ويجيلك في أقل من 48 ساعة. يبقى هتشتري من الموقع ده؟
reply
|
flag
طالما الكتب دى هى اللى انا عايزها وحالتها زى ما عايز و انا موافق على السعر وطالما الدفع عند الإستلام يبقى دى حاجة كويسة جدا
بس اتأكدى هل فيه مصاريف شحن ولا لأ
بس موقع ايه دا بقى؟
الموقع دا انا عايزه أعمله وتقريبا بدأت فيه خلاص. بس انا كنت عايزة اتاكد إن فكرة الموقع حلوة وإن حد هيشتري منه ولا لأ. ومتخفش خالص يا أستاذ أحمد مفيش أي مصاريف شحن. لو الكتاب ب 3 جنيه هيوصلك لحد البيت قبل 48 ساعة ومش هتدفع اكتر من 3 جنيه بس.
السلام عليكمفيه موقع اسمه سوق دوت كوم فيه الخدمة دى
فيه كتب مستعمله وجديدة و من غير مصاريف شحن خالص دا الكلام اللى على الموقع
بس هو لسه جديد فمفيش كتب كتير عليه
وفيه برده موقع دار الكتب عامل خدمة توصيل لغاية باب البيت ودا فى القاهرة بس
مش فى باقى المحافظات
هو انتى مبرمجة؟
في موقع سوق دوت كوم الشحن مجانا لو وزن السلعة أقل من 20 جرام فقط!! وسعر الكتب المستعملة غالي نسبيا. وبعض السلع لازم تدفع أون لاين قبل الاستلام يعني لازم فيزا كارت.وفي دار الكتب بيبع كتب جديدة بس وفي إمكانية تبديل الكتب القديمة مع الأعضاء بس ده مش معناه أن الكتب هتجيلك لحد البيت. اما في الموقع اللى انا بفكر فيه , الكتب هتجيلك لحد البيت من غير ولا مليم زيادة مهما كان الوزن. ومش لازم فيزا كارت ابدا ومش لو عاجبك حالة الكتاب متستلمهوش ويبقى انت مش خسران حاجة.
لا, انا مش مبرمجة, بس أنا بدرس مادة اسمها تجارة اليكترونية فعجبتني الفكرة.
دار الكتب دلوقتى فيها خدمة توصيل بس لسكان القاهرةعموما ربنا يوفقك ان شاء الله
بس المكسب كدا هيبقى منين؟
لو مش عايزة تقولى عشان حقوق الملكية مش مشكلة
بس ان شاء الله لما تعمليه ابقى قولى عليه هنا
يا أستاذ أحمد , أنا بشتري كتب وروايات عربي وأجنبي كتير ب 2 جنيه فمثلا لو بعتها على الموقع ب 3 جنيه او 4 مش هتبقى غالية بالنسبة للمشتري وخصوصا انها هتوصله لحد باب البيت مجانا. وعلى فكرة لو حد راح يشتري الكتب دي بنفسه مش هيشتريها بأقل من 10 جنيه. لان انا عارفة اسعار الكتب كويس وبعرف افاصل كويس وبشتري كميات كبيرة. في مثلا مجلة اسمها (TeenStuff) انا بشتريها قديمة ب 2 جنيه صاحبتي راحت تشتريها من نفس الراجل باعهالها ب 8 جنيه!!! يبقى لو اشترتها من الموقع بتاعي يبقى هتوفر 4 جنيه وانا هبقى كسبت 2 جنيه ويبقى كلنا استفدنا. صح؟
