Bloggers-Eg discussion

يا جماعة لو في حد عنده كتب مش عايزها ممكن يعمل رف أنا سميته
willing to give away
ونشوف لو حد فينا عايز حاجة عند حد

اه والله ياريت

عموما أخيرا بفرز الكتب اللى عندى و ح طلع لكم ثروة مش عايزاها
:D

great idea! i'll call it "for swaps" and it will also mean i can give it away (esp. if it's a one-star book :))

طيب سيحوا للفكرة شوية لحسن في الآخر ننتهي لإن إحنا التلاتة ناويين نبدل ومش عاجبانا كتب بعض
: D

ايه ده، أنا مكنتش واخدة بالي من الموضوغ ده
عموماً .. هبدأ اعمل كده

حلوة دي، انا موافقة جدا، بقالي 3 شهور بفكر في موضوع ال book bazar ده عشان ننفذ الفكرة عملي، بس كده اسهل

Narnar.. i didn't forget you wallahi
The bazar's books are kept safe in a box beside my door..
I just fail to have the time to list them down :(

You can make ur bazar after el m3rad.. may be in March or April... how about that?

sounds cool.

طب أنا عندي فكرة تانية
أصل أنا حتى لو كتاب مش عاجبني مش برمية عشان يمكن أقراه بعد مليون سنة ... هو نوز يعني
المهم ليه مانخليهاش إستعارة ... يعني أنا عندي كتب معنديش مانع إن حد يستلفها و يقراها و يرجعها تاني بعد كده و أنا برضه أستلف منه أو منها ... و هاكاذا دواليب

متفق مع الاستاذ اللي قال دواليب فوق ده ..
الاستعاره هي الحل

هكذا دواليب فعلاً

:)

يعني سيبتو هاكاذا و مسكتوا في دواليب
الله يمسيك بالخير يا حج محمد الحج

الحاج*
: D

ممكن كمان نعمل رف للكتب الإلكترونية لأنه يمكن مشاركتها بسهولة ... رغم أني لا أقوى على قرآة الكتب من خلال شاشة الكمبيوتر و أيضا رغم أن حماة الملكية الفكرية من الممكن أن يطالبوا برقبتي بعد سماعهم لإقتراه كاهاذا

الفكرة إنى لو إستعرت حاجة من حد.. مايضمنش إنه ممكن ياخدها تانى

يبقى يتنازل عنها بكرمته م الأول ويخلص
:D

حكاية الاستعارة دي صعبة شويتين تلاتة

الحقيقة انا عن نفسي صعب قوي بعد تجارب مريرة اني اسلف حد كتب بسبب اختفاء مجموعة كتب في ظروف سلف مريبة

لكن لو على الكتب الالكترونية عندي كتير وممكن انزلهم لكم كلهم

يا إخوانا كتب إليكترونية إيه، أنا كنت بتكلم على الكتب اللي مش عايزينها
أنا عندي حبة حاجات كويسة مش عايزها ممكن تعجب ناس تانيين، يعني أنا مبحبش خيري شلبي مثلاً فعندي الأمالي مش عايزها، أنا مبحبش الغيطاني فعندي التجليات ورسالة في الصبابة والوجد مش عايزهم، وهكذا، ممكن في ناس مش بتحب كونديرا أو ماركيز أو دوستويفسكي أو أحمد رجب، الكتب دي بدل ما هي مش بيتعمل بيها حاجة ممكن نبدلها، دا الإقتراح الأصلي

مجموعة "حكايات أمينه" ل "حسام فخر"
رواية "الشراب" .. عفوا "السراب" ل "نجيب محفوظ"
مين قال هاتى؟

على فكره مؤكّد فيه حاجات تانيه مستعدّه أتنازل عنها لأى راغب بس محتاجه إعادة فرز و تنقيب

أنا بالنسبه ليا فيه كتب معنديش مانع حد يستعيرها مني

نرجع بقى للفكرة الأصلية، كل واحد عنده حاجات مش عايزها يعمل رف يسميه
swaps, willing to give away
أي حاجة بالمعنى دا، ويحط اللينك سواء في موضوع جديد أو هنا، واللي عايز حاجة من حد يعرض عليه والتاني موافق قشطة مش موافق فل والحياة تمشي يعني
: D

أنا مع الفكرة دي جدا / الفكرة الأصلية اللي تم طرحها في البداية ثم التأكيد عليها من " محمود " ، و ده اللي بأعمله شخصيا فعلا

يعني كتير من الكتب بعد ما بأخلصها بأوزعها
يعني وجهة نظري : إن فيه بعض الكتب لا تصلح إلا للقراءة مرتين ثلاثة بالكتير ، و بتفقد رحيقها بعد كده - حتى لو كانت جيدة أو ممتعة نوعا

و بالتالي يبقى حرام الواحد يحتفظ بحاجة مش ناوي يقراها تاني : كركبة ع الفاضي من ناحية ، و من ناحية تانية حجب للكتب التانية المفروض انها تتقري

الفكرة بصراحة.. بحب أحتفظ بالكتب عشان أكمل المكتبة.. وغير كدة بفكر فى الأجيال القادمة
فبيصعب عليا أى كتاب قد يكون فى أى يوم أى حد من ريحة عائلتى يقراهم!

فممكن أسلف.. الإستغناء خالص.. قلبى مش مطاوعنى

إقتراح إضافي بقى :

تسمية الرف ده بالعربي جنب الانجليزي يبقى مثلا :
swaps, willing to give away كتب مستعدة للتنازل عنها

أو ما شابه

المهم بقى إني مش عارفة أصلا أضيف الرف ده

الصفحة بتهنج كل ما أحاول إضافته

أنا عملت رف و حطّيت فيه الكتابين اللىّ مستغنيه عنهم لحد ما احدد باقى الكتب اللى مش عاوزاها

على فكرة كنت بأفكر زيك كده يا بلو من كام سنة
و النتيجة : إني كنت محتفظة بكتب الدراسة من إبتدائي لحد الجامعة ، و كل مجلات ماجد و باسم و ميكي اللي كانت كتييييييير جدا ، إضافة إلى الكتب و الروايات ... إلخ

فطبعا كانت مأساة

فضربت عرض الحائط بالأجيال القادمة ، و قلت كل واحد يخليه في نفسه أحسن ، و اللي هايعوز حاجة أكيد هوه أقدر إنه يجيبها

الكتب عندى زى ولادى و بعدين ليا نفس مبدا ايمان انا شايله حواديتى و انا عيله لولادى
:)
و باحب احافظ عيهم زى عنيا الكتب جديده اتكنها متقرتش بسعرها!
يوم م باضطر حتى اتخلص من كتب بابقى زعلانه اوى
و يوم ما بتتعلق كتبى منى او اللى استلفها يبهدلها و دا ياما
بازعل اوى بجد

مش عارفه الحل ايه
انا عن نفسى بتمنى لو يبقى فيه حد استلف منه الكتب و اسلفه بيخاف عليها زى
و بيرجعها

انا بحب الكتب تبقى مبهدلة.. وبحب صفحتها تبقى صفرا... وريحتها معتقة
:D
مايتضايقش م التسلف قد ما بتضايق من البلطجة

خلاص يا بلو .. مش هسلفك كتب خالص طالما بتبهدليها ..

دنانير: دي حاجه مالهاش حل، لازم اللي ياخد كتاب يحافظ عليه طبعا.

وممنوع منعا باتا تعليم الصفحة بثنيها، يا تستخدم بوكمارك عدل يا تحفظ الرقم اللي انت واقف عليه .. ومفيش شخبطة بالقلم الرصاص ولا الجاف ولا حتى تاخد نوتس على حاجه

واللي هلاقيه ماسك قلم فسفور مش هياخد مني كتب، ده انا مكنتش بذاكر بيه هلاقيه طالع لي في كتبي والروايات بتاعتي كمان

كلا البته

تحياتي

لازم تثبت تواجدك ع الكتاب!

ودا اسمه كلام دا حبسة النفس!

and here is my list:
http://www.goodreads.com/review/list/...

أنا باقترح يبقى في جروب للكتب اللي الناس مستغنيه عنها وجروب تاني للاستعاره لان فعلا في كتب مينفعش حد يستغنى عنها بس ممكن يعيرها ويستردها تاني بعد ما حد يكون استفاد منها برضه

http://www.goodreads.com/group/show/1...

فيه حد ياخد مني "أول مكرر" لهيثم دبور ويديني ربع جنيه

awal mokarar 3andy ana kaman...7ad ya5do b gnayh?
w fahrenheit 451 3araby...ana bakrahoooooooooooo aktar men my english teacher...tasawaro??

awal mokarar 3andy ana kaman...7ad ya5do b gnayh?
w fahrenheit 451 3araby...ana bakrahoooooooooooo aktar men my english teacher...tasawaro??

Muhammad wrote: "http://www.goodreads.com/group/show/1..."

حلوة الجروب اللى اتعملت للتبادل دى يا محمد
بس دلوقتى الاسكندرانية يعملوا ايه ؟؟

http://www.goodreads.com/group/show/2...

تبادل الكتب بالاسكندرية

شخصيا

لما اقرى كتاب واحس انه سيء فعلا

ب اسارع بتقطعيه ورمية ان لم يكن حرقه

عشان محدش غيري ينضر بيه